Aktori i famshëm Leonardo diCaprio ka publikuar ditën e djeshme ne profilin e tij në instagram foton e parë pas shumë kohësh në të cilën është vet ai.
Fotoja ështe realizuar gjatë xhirimeve për filmin e ri të kategorisë thriller “Killers of the Flower Moon” ku ndodhet i ulur në një tryezë me aktoren Lily Gladstone. Filmi drejtohet nga regjisori fitues i çmimit “Oscar”, Martin Scorsese.
Sipas informacioneve të fundit, personazhi i DiCaprio është “nipi i një fermeri të fuqishëm lokal”, i luajtur nga kolegu i së njëjtës linjë me Scorsese, Robert De Niro. Gjithashtu në rol kryesor, si partnerja e DiCaprios në këtë film, do të jetë Lily Gladstone, një grua nga Oklahama.
Historia e vërtetë e “Killers of the flower Moon” ndodhi në vitet 1920, kur një numër të pasurish të Osage Nation, një fis amerikan vendas, të cilët zbuluan depozita të mëdha nafte nën tokën e tyre, u vranë.
Por, ajo çfarë shkaktoi më shumë reagim pas këtij postimi, ishte pamja e Leonardo-s. Reagimet e fansave ishin të shumta, të cilët nuk e njohin aktorin me këtë look. Shumica e komentuesve në Twitter u shprehën se nëse do të shihnin vetëm foton, nuk do e identifikonin menjëherë DiCaprio-n.
