Historia e dashurisë mes Bora Zemanit dhe Donald Veshajt po përflitet prej muajsh tashmë në mediat rozë, dhe çifti numërojnë shumë fansa në rrjetet sociale.
Kujtojmë se vite më parë Bora dhe Donaldi bashkëpunonin së bashku në emisionin e tyre, ku kanë zhvilluar intervista me personazhe të shumtë. Së fundmi përgjegjësi i “Elbasan Arena” Xhevdet Muzhaqi ka rikujtuar përmes fotove vizitën e Donaldit, Borës dhe Romeos në stadium. Vizita e kryer në korrik të vitit 2019, u risoll në vëmendje nga Muzhaqi në llogarinë e tij në rrjetin social Facebook.
Bora dhe vëllezërit Veshaj vizitonin asokohe impiantin elbasanas, duke publikuar edhe foto në rrjetet sociale.
“Me Borën dhe aktorët e Al-Pazar”, shkruante para 3 vitesh ai në mbishkrimin e fotos. Tashmë kur çifti përflitet më shumë se kurrë, përgjegjësi i stadiumit rikthen fotot kur ata ndodheshin pranë njëri-tjetrit.
Megjithëse Bora Zemani dhe Donald Veshaj nuk kanë folur asnjëherë hapur publikisht për thashethemet se janë ribashkuar, ata po e konfirmojnë çdo ditë e më shumë se janë bashkë. Përpos postimeve në rrjetet e tyre sociale, që ngrenë dyshime dhe shkaktojnë bujë, detaje të reja janë vënë re nga ndjekësit detajistë të çiftit të shumë komentuar.
Discussion about this post