Autorja britanike JK Rowling ka marrë një kërcënim me vdekje nga një ekstremist islamik. Shkrimtarja e Harry Potter u revoltua pas tentativës për të vrarë Rushdie në veri të Nju Jorkut, një ditë më parë, kur asaj iu dha kërcënimi rrëqethës në Tëitter.
“Lajm i tmerrshëm. Lëreni të jetojë,”- shkruante ajo në rrjetet sociale, por përgjigjia që i erdhi, ishte një kërcënim. “Mos u mërzit, e ke ti radhën,”- shkruante Meer Asif Aziz, i cili e përshkruan veten në Tëitter si një student, aktivist social, aktivist politik dhe aktivist kërkimor.
Aziz gjithashtu duket se mbështet Udhëheqësin Suprem të Iranit, Ayatollah Ali Khamenei. Në një përpjekje për të larguar Aziz nga Twitter, Rowling këtë pasdite postoi: ‘@TwitterSupport ndonjë shans për mbështetje?’
Twitter zgjodhi në mënyrë dramatike të mbyllë llogarinë e Donald Trump pas pushtimit të Kapitolit të SHBA nga një turmë e veshur me kapele MAGA pas zgjedhjeve të vitit 2020, por gjithsesi e lejon Khamenei të bëjë kërcënime kundër Izraelit.
Rowling gjithashtu konfirmoi se policia është e përfshirë dhe ka nisur hetimet, duke u thënë ndjekësve të saj: ‘Të gjithëve që dërgojnë mesazhe mbështetëse: faleminderit. Policia është e përfshirë, por heton.
Rushdie, 75 vjeç, autor i ‘Vargjet Satanike’ u godit me thikë 15 herë teksa mbante një seminar në Nju Jork
Discussion about this post