Fernando Santos humbi drejtimin e kombëtares polake të futbollit pas humbjes që ekipi i tij pësoi në “Air Albania” me rezultatin 2-0 ndaj kuqezinjve.
Me të njëjtin rezultat humbi edhe Bullgaria në miqesoren me Shqipërinë, dhe pot ë njëjtin fat si Santos pati edhe trajneri serb Mladen Krstajiç. Ky i fundit është shkarkuar nga Federata bullgare e Futbollit pikërisht pas humbjes 2-0 që pësoi në Air Albania, me golat e Qazim Laçi dhe Ernest Muçi.
Trajneri serb e drejtoi Bullgarinë në 12 ndeshje, por humbja me Shqipërinë duket se i vuri kapakun qëndrimit të Krstajiç në stolin e bullgarëve.
Komiteti Ekzekutiv i Federatës Bullgare të Futbollit (BFU), vendosi së fundmi ndërprerjen e bashkëpunimit me teknikun serb.
Krstajiç e la Bullgarinë në vendin e fundit në grupin G të eliminatoreve të “Euro 2024” me vetëm 2 pikë të grumbulluara në 6 ndeshje.
“Pas rezultateve që ka arritur skuadra, ka qenë vendim unanim për shkarkimin e Mladen Krstajiç. Pra ishte e natyrshme që të ndodhte.
Ne jemi duke negociuar me një trajner tjetër, jemi në fazën finale, por nuk kemi vendimin përfundimtar. Kështu që ende nuk mund ta shpallim”, deklaroi Georgi Ivanov, drejtori teknik i BFU.
Discussion about this post