Kryeministri Edi Rama është pyetur sot për artikujt e mediave italiane që shprehen se ishulli i Sazanit i është shitur Jared Kushnerit, dhëndrit të presidentit Donald Trump.
Ram tha në intervistën për Opinion se ishulli i Sazanit është pasuri e shtetit dhe e popullit shqiptar, dhe nuk do të shitet asnjëherë. Ai njoftoi po ashtu se partneritet dhe marrëveshja mes qeverisë shqiptare dhe kompanisë së Kushner për investimet në Sazan, do të kalojë në Kuvend. Rama ndau edhe detaje për investimet që do të bëhen atje.
Pjesë nga intervista:
Pyetje: Çfarë ka ndodhur me ishullin e Sazanit, është shitur, ka tentative për t’u shitur apo ka një projekt?
Rama: Ishulli i Sazanit është pasuri e shtetit dhe e popullit shqiptar, as nuk është shitur dhe as nuk do të shitet ndonjëherë. Është një pasuri e popullit shqiptar, ku qeveria shqiptare do të jetë partnere me kompaninë apo me grupin. Negociatat e partneritetit nuk kanë mbaruar ende.
Pyetje: Do të kalojë në parlament marrëveshja?
Rama: Pa diskutim! Kjo shitja e Sazanit është si puna e ndarjes së Kosovës. Hedh një budalla një gurë në lumë dhe 100 të mençur nuk e nxjerrin dot. Zvërneci dhe Sazani janë akoma në proces të projektit…
Pyetje: Kur mendoni se mund të jenë gati për të filluar punimet?
Rama: Besoj që për disa muaj ne do kemi master planin e plotë që do I paraqitet publikut. Mënyra se sip o punohet do të vendos një standard të ri në infrastrukturën e mikpritjes. Po bëhet një punë e jashtëzakonshme, po bëhet diçka që do të bëhet një destinacion ëndrre.
Rama: Në Porto Palermo do bëjmë vetëm tre ndërhyrje. Një na ka ardhur nga një çift që jeton dhe punon atje, vetëm për të restauruar dhe pastruar kabinat e tyre atje. Një tjetër për muzeun e Luftes së ftohtë, që ndodhet në tunel. Një ndërhyrje për të bërë muzeun e Luftës së Ftohtë në tunel dhe një ndërhyrje ndoshta më pas për baraket në pjesën ushtarake, por pa ndërtuar resorte, vila. Mund të shtohet ndonjë sipërfaqe në funksion të tyre. Do dalim me gjëra konkrete për ato që do të bëhen më pas.
Discussion about this post