Pas Serbisë sot ka reaguar edhe Rusia në lidhje me deklaratën e Ramës, ku u shpreh që ka si objektiv bashkimin e Kosovës me Serbinë. Përmes një deklarate për mediat, zëdhënësja e Ministrisë së Punëve të Jashtme ruse, Maria Zakharova ka thënë se Moska e konsideron të papranueshme deklaratën e Ramës dhe se gjithashtu është në kundërshtim me rregullat e OKB.
“Ne e konsiderojmë deklaratën e bërë nga kryeministri shqiptar Edi Rama për bashkimin e Shqipërisë dhe Kosovës si krejtësisht të papranueshme. Promovimi i zbatimit të planit të” Shqipërisë së Madhe “është në kundërshtim të plotë me dispozitat e Rezolutës 1244 të Këshillit të Sigurimit të OKB -së dhe minon stabilitetin në Ballkan. Për Moskën, është veçanërisht e çuditshme që ky pozicion, i cili kundërshton një vendim themelor për zgjidhjen e konfliktit, shpallet një qëllim kryesor në karrierën politike të udhëheqësit të një vendi ballkanik”, Tha ajo.
Ndër të tjera ajo u shpreh se Rama duhet të japë një përgjigje shpjeguese për këtë , duke e quajtur atë deklaratë si provokative.
“Pozicione të tilla nuk janë në përputhje me përpjekjet e përbashkëta të Beogradit dhe Tiranës për të krijuar një treg të vetëm. Ne mezi presim të dëgjojmë një përgjigje të përshtatshme nga rojet perëndimore të projektit të” ndërtimit të kombit “në Kosovë ndaj kësaj sfide të hapur. Ne jemi të mahnitur që thirrjet e tilla subversive po injorohen ndërsa Beogradi po kritikohet për nismat e tij humanitare për” botën serbe, të cilat janë të justifikuara dhe në përputhje me të drejtën ndërkombëtare”, tha më tej ajo.
Kujtojmë se të njëjtin reagim ka bërë dje dhe ministri i Jashtëm i Kosovës, Aleksandër Vulin, i cili e quajti deklaratën e Ramës provokim dhe kërkoi reagim nga BE.
