Argjentina njoftoi të mërkurën se do të tërhiqet nga Organizata Botërore e Shëndetësisë (OBSH), pas një lëvizje të ngjashme të bërë më herët nga Shtetet e Bashkuara nën drejtimin e Presidentit Donald Trump në ditën e tij të parë të kthimit në Shtëpinë e Bardhë në janar.
Sipas CNN, Presidenti Javier Milei udhëzoi ministrin e Jashtëm Gerardo Werthein të tërheqë pjesëmarrjen e Argjentinës në Organizatën Botërore të Shëndetësisë.
Presidenti libertar i Argjentinës, Milei, i cili e konsideron Trump një aleat të ngushtë , urdhëroi daljen e vendit në përgjigje të atyre që ai i përshkroi si “dallime të thella” në lidhje me menaxhimin e çështjeve shëndetësore të OBSH-së, veçanërisht trajtimin e saj të pandemisë COVID-19.
Milei, i cili ka krijuar miqësi si me Trump ashtu edhe me shefin ekzekutiv të Tesla, Elon Musk, ishte një kritik i ashpër i OBSH-së përpara se të bëhej president.
”Ne argjentinasit nuk do të lejojmë një organizatë ndërkombëtare të cenojë sovranitetin tonë, veçanërisht jo mbi shëndetin tonë, ” tha zëdhënësi i Milei, Manuel Adorni.
Discussion about this post