Një punonjës policie është arrestuar nga Policia e Tiranës, pasi ka qëlluar me armë, pas një konflikti me një roje security të një qendre tregtare.
Policia njofton se ka rënë në pranga efektivi 35-vjeçar Drilon Toska si dhe është shpallur në kërkim vëllai i tij, shtetasi A. Toska, 29 vjeç.
Sipas policisë, ngjarja ka ndodhur pranë një qendre tregtare, kur punonjësi i policisë dhe vëllai i tij janë konfliktuar me rojën e kontraktuar nga një kompani private sigurie. Pas konfrontimit me rojën, punonjësi i policisë ka nxjerrë pistoletën, duke qëlluar një herë në tokë.
