Këngëtari i mirënjohur shqiptar, Frederik Ndoci ka zbuluar se do të kthehet përfundimisht në Shqipëri për të jetuar pas shumë vitesh në emigrim. Lajmin e ka bërë me dije përmes një postimi në rrjetet e tij sociale, ku tregon dhe arsyen e një vendimi të tillë që ka ndërmarrë.
“Të dashur miq, ju që më ndiqni nga afër dhe nga larg, ju që më mbështesni e më inspironi ne çdo moment të aktivitetit tim! Dua të ndaj me ju një te vërtetë të madhe që me shumë dhimbje e vërtetova duke vendosur një “bast” të madh me jetën time. Shqiptaria ka pasur e ka prodhuar vazhdimisht jo vetëm artistë, njerëz të pasionuar dhe talente të kalibrit ndërkombëtar, por edhe mendimtarë e koka, shkencëtarë e sportistë të shquar. Kombit tonë sot nuk i mungojnë vlerat, as mendjet…Kombit tonë i mungon më shumë se kurrë “zemra”! Kur nënës i merr bijtë i ke tharë shpirtin, e njësoj ky KOMB po thahet nga eksodi i bijve më të vyer. Bota po na merr sot, si dhe dje, si dhe ndër shekuj, po zgjedh e merr për vete më të mirët ndër ne…duke na tharë shpirtin si komb! Te dashur bashkatdhetar, unë si dhe shumë prej jush iu dhashë tash e 10 vjet botes për mundësit që më ofroi. Këndova, krijova e jetova me të tjera gjuhë e vise, në të tjera skena, në të tjerë qiej!”
Më tej Ndoci ka shkruar se i falënderon të gjithë ata që e mbështetën, e vlerësuan dhe i dhanë respektin e merituar në skenën dhe artin botëror.
“E sot pas kaq vitesh me mundësi te rralla qe mu dhanë anekënd botes, vlerësime te arta, respektin dhe bashkëpunimin e “peshave te renda” te skenës dhe artit botëror, vendosa për vete, për ju, për ne, te kthehem në vatrën teme, në token me te ëmbël, në vendin ku e shtrenjta nan më lindi, ku zemra rrahu fort në këngën e parë dhe atë të fundit, ku lash shpirtin dhe ëndrrën më të bukur që më dhatë te gjithë ju bashkë. E un do kthehem tash përgjithmonë! Te këndoj për këtë vend, ma të bukurin dhe e qiell, ma të bukurat male, fusha e dete, do këndoj për shqiptarinë këtu, sepse këtu më këndon zemra, këtu ma do shpirti me qen!!! Ju falenderoj që më ndiqni, dhe ju ftoj në projektet, dhe aktivitetin tim artistik në vijim! Zoti ju bekoftë kudo që jeni!”
Discussion about this post