Kanë kaluar më shumë se dy javë që nga çmimet “Oscar” kur Will Smith goditi me shuplakë Chris Rock dhe tronditi shikuesit në mbarë botën duke u bërë kryefjalë për ditë me radhë. Tashmë, duket se kjo skenë është ende një temë e nxehtë për ta.
Shuplaka i kushtoi shumë Will-it i cili përveç kritikave u pezullua për 10 vite nga Akademia e “Oscars”. Nga ana tjetër, shuplaka po i jep edhe përfitime financiare të mëdha dhe të ardhurat e tij janë rritur. Edhe pasi Netflix ka hequr “Fast and Loose” dhe Sony shtyu “Bad Boys 4”.
Përfitimet e Will nuk po vijnë nga kinematografia por nga letërsia. Libri i tij “Will” i botuar dhjetorin e kaluar që nga incidenti është kthyer në një nga librat më të kërkuar në Shtetet e Bashkuara. Po ashtu, në renditjen e “New York Times” ka kaluar nga i 14-i në vendin e dytë, duke u bërë një best-seller.
Gjithashtu, interesi i madh për autobiografinë e Will Smith lidhet me kapitujt në të cilët aktori rrëfen aspekte të tilla si mendimet e tij për vetëvrasje ose marrëdhëniet e tij komplekse me të atin, të cilin ai e adhuronte, por në të njëjtën kohë e urrente për dhunën ndaj nënës së tij.
Nga ana tjetër, Will i dha përfitime edhe Chris Rock, i cili që në momentin e parë refuzoi të denonconte Will Smith, por ama ka ditur të përfitojë nga shuplaka. Jo më kot shfaqjet e tij humoristike janë shitur kudo që ai shkon.
Publiku nuk dëshiron të humbasë shfaqjet me shpresën që të dëgjojë deklaratën e tij për incidentin. Por duket se Chris Rock nuk është aspak keq në marketing dhe po e shfrytëzon këtë situatë. Ai nuk ka folur dhe sigurisht që nuk do e bëjë këtë në të ardhmen e afërt.
Ndoshta, ai po flet për një padi civile kundër Will-it, ku ai mund të marrë një pagesë si dëmshpërblim edhe në këtë mënyrë. Së fundmi, është e paqartë se sa serioz është ky koment, por duke marrë parasysh kontekstin, Chris duket se është në një gjendje të mirë shpirtërore.
Discussion about this post