Ish-sekretari i Shëndetësisë, Matt Hancock, ka nisur pushimet romantike me të dashurën, Gina Coladangelo, në Alpet Zvicerane.
“The Sun” shkruan se dyshja qëndroi në një banesë që kushton 78 paund nata, në vendpushimin e Villars-sur-Ollon.
Besohet se ky është udhëtimi i parë romantik i çiftit që kur u zbulua lidhja e tyre sekrete. Hancock u pa muajin e kaluar duke bërë sërf gjatë pushimeve në Cornwall, së bashku me tre fëmijët e tij. Kjo vjen vetëm disa muaj pasi ai dha dorëheqjen për shkak të veprimeve të turpshme me asistenten.
Ai u detyrua të linte kabinetin në qershor pasi “The Sun” publikoi imazhe të shkrepura në zyrën e tij, ku shihej duke shkëmbyer puthje pasionante me 44-vjeçaren Gina Coladangelo, në një periudhë ku duhet të respektonte rregullat për distancimin social.
Thuhet se ai i dha fund martesës 15-vjeçare me gruan e tij Martha Hancock për të filluar një lidhje të re me Gina-n. Besohet se Hancock dhe partnerja e tij e re po mendojnë të zyrtarizojnë lidhjen e tyre.
