Ish-futbollisti i Barcelonës dhe Liverpool-it, Javier Mascherano është duke hedhur hapat e tij të para si trajner, pas sukseseve të shumta në fushën e lojës. Ai pritet të marrë drejtimin e Argjentinës U-20 në janar.
37-vjeçari, i cili ka luajtur 147 ndeshje për Argjentinën një pjesë e të cilave si kapiten, do të zëvendësojë në këtë detyrë Fernando Batistan.
Mascherano është një nga futbollistët që ka bërë histori për Argjentinën, pasi ia doli të shkonte në finalen e Kupës së Botës në vitin 2014, por Gjermania i rrëmbeu trofeun aq shumë të pritur në vendin e Amerikës Latine. Ai gjithashtu luajti për vendin e tij në Botërorin e vitit 2006, 2010 dhe 2018 në Rusi. Ish-mesfushori ka fituar edhe dy medalje olimipke me Argjentinën, në Athinë 2004 dhe Pekin 2008.
Ai ka një karrierë të shkëlqyer edhe me klubet pasi ka fituar pesë tituj të La Ligës dhe dy Liga të Kampionëve në tetë vjet në Barcelonë. Me Liverpool ai ia doli të shkonte në finalen e Champions, një vit para se të transferohej në Spanjë.
Discussion about this post