Ministri i Shtetit i Greqisë, Stavros Papastavrou u takua sot në burgun e Durrësit me Fredi Belerin, kryebashkiakun e zgjedhur të Himarës.
Pas takimit me Belerin, Papastavrou u shpreh për mediat se shoresonte se drejtësia shqiptare do të bënte drejtësi.
“Kërkojmë që hallkat gjyqësore shqiptare të shprehin dhe të japin drejtësi. Nesër shpresojmë që më në fund drejtësia shqiptare të japi drejtësi për Fredi Belerin”, tha Papastavrou për mediat.
Deklarata e ministrit grek vjen një ditë para gjyqit të radhës ndaj Belerit, ku ky i fundit kërkon lirinë për t’u betuar si kryebashkiak i Himarës.
Beleri u arrestua dy ditë përpara zgjedhjeve vendore të 14 majit. Sipas prokurorisë, përgjimet e realizuara tregojnë se ai ka ofruar para në këmbim të votave.
Burgosja e tij ka sjellë edhe acarimin e marrëdhënieve Tiranë-Athinë, ndërsa Greqia ka kërcënuar se do të bllokojë integrimin e Shqipërisë në BE.
Discussion about this post