Enkelejd Alibeaj do të mbledhë grupin e mbështetësve pak orë pas takimit që i deleguari i tij Gazment Bardhi zhvilloi me Edi Palokën nga grupi i Sali Berishës. Mësohet se takimi do të zhvillohet në orën 16:30.
Pas takimit, Bardhi nuk u prononcua për mediat, ndërsa Paloka deklaroi se ka vullnet për të dalë me një kandidat të përbashkët për zgjedhjet pa dhënë në shumë detaje.
“Nuk mund të quhet i dështuar takimi i sotëm. Ka vullnet për të dalë me një kandidat të përbashkët. Ju lutem, kaq për sot, kur të kemi diçka më shumë, do ua them”, tha Paloka.
Kujtojmë se më herët u zhvillua mbledhja e Kryesisë së PD, ku Sali Berisha u shpreh se do të ketë një garë të pashpallur ndonjëherë sa i takon primare primareve për kandidatë, ndërsa tregoi edhe udhëzimin e Kryesisë për zhvillimin e tyre.
Discussion about this post