Ambasadorët e Francës, Gjermanisë, Italisë, Mbretërisë së Bashkuar dhe Shteteve të Bashkuara të Amerikës i kanë shkuar sot në zyrë kryeministrit Albin Kurti.
Lëvizja vjen pas situatës së tensionuar të shkaktuar në Veri të vendit pas vendosjes së reciprocitetit për targat.
Të hënën Kosova nisi zbatimin e vendosjes së targave të përkohshme për automjetet me targa të Serbisë, siç bën Serbia me targat e Kosovës prej vitesh.
Vendimi nxiti protesta të serbëve që kanë bllokuar rrugët në Jarinje e Bërnjak, në drejtim të pikave kufitare me Serbinë.
Po sot ragoi edhe presidenti i Serbisë Aleksandar Vuçiç, i cili tha tha se Kosova duhet të ndryshojë vendimet e saj “të këqija” ose në të kundërtën, shteti i tij do të ndërmarrë masa, pa specifikuar se për çfarë masash bëhet fjalë
