Që pas tërmetit banorët e qytetit të Durrësit janë lënë në mes të katër rrugëve. Për të disatën herë në përpjekje për të fituar të drejtën e strehimit, ata kanë dalë në protestë para bashkisë.
Ata shprehen se banesa e tyre është shembur para ndërtesave të tjera, por rindërtimi i pallatit nuk po fillon ende. Pallati i përket lagjes numër 15 në zonën e njohur ” Çesma e Ferres”. Ndërsa theksojnë se janë 20 familje pa strehim. Sakaq disa të tjerë janë shprehur se kanë 3 muaj që s’kanë marrë as bonusin e qirave. Ndërkohë që shumë janë pensionistë me pensione rreth 100 mijë lek të vjetra.
Ata gjithashtu shprehen të shqetësuar se tërmeti shkaktoi dëmtime të rënda dhe qe nga të paret që është shembur nga fadromat e bashkisë, duke e kthyer në një vend depozitimi mbeturinash.
Përpos këtyre problemeve ata kanë trokitur në dyert e pushteteve por deri tani nuk ka asnjë reagim.
