Aktori dhe komediani i njohur, Pete Davidson mesa duket po argëtohet me thashethemet se mes tij dhe Kim Kardashian mund të ketë nisur diçka më shumë.
Ylli i “Saturday Night Live” u shfaq në “Late Night with Seth Meyers” të hënën, ku bënte shaka me spekulimet se ai dhe Kardashian janë më shumë se thjesht miq.
Meyers e nisi bisedën e tij me Davidson, 27 vjeç, duke pranuar se donte “të adresonte diçka”.
“Dua të konfirmoj nëse është i vërtetë apo thashethem. Kjo është diçka për të cilën keni lexuar shumë në media”, thotë Meyers Davidson.
Duke qenë i vetëdijshëm për shakanë, Davidson përgjigjet: “Kam dashur të flas për këtë, sepse ka shumë njerëz që më pëshpëritin dhe më ngacmojnë. Po, është e vërtetë – unë kam një shfaqje që do të dalë”, duke iu referuar rolit të tij të ardhshëm në “The Freak Brothers”.
Ylli televiziv, 41 vjeç, dhe anëtari i kastit të “Saturday Night Live”, 27 vjeç, u panë në dy takime të veçanta në New York në fillim të këtij muaji.
Themeluesja e SKIMS dhe komediani u panë gjithashtu duke darkuar së bashku një natë më parë në vendlindjen e Davidson, Staten Island.
Spekulimet filluan që nga një shfaqje në SNL ku dyshja shkëmbyen puthje me njëri-tjetrin.
Sido që të jetë, Pete tani i ka hedhur poshtë të gjitha këto aludime.
Discussion about this post