Aktori i dashur nga të gjithë, Dwayne Johnson, ose siç njihet ndryshe edhe me emrin “The Rock”, ka marrë vendimin që mos të përdorë më armë të vërteta, në kompaninë e tij filmike, Seven Bucks Productions.
Rock e mori këtë vendim nga tragjedia që ndodhi pak javë më parë, në setin e xhirimit “Rust”, ku mbeti e vrarë kineastja, Halyna Hutchins nga aktori Alec Baldwin.
“Para së gjithash isha zemërthyer. Ne humbëm një jetë. Zemra ime është me familjen e saj dhe të gjithë në xhirime. Unë gjithashtu e njoh Alecin për një kohë të gjatë. Nuk mund të flas për askënd tjetër, por mund t’ju them se në çdo film që ne kemi ecur përpara me Seven Bucks Productions, nuk do të përdorim fare armë të vërteta”, u shpreh Johnson.
Aktori shtoi se brenda disa orësh nga lajmi për të shtënat fatale të Hutchins, ai dhe ekipi i kompanisë, folën për ndryshimet që do të miratonin në xhirime për sigurinë e stafit.
“Unë mendoj se gjëja më e kujdesshme dhe më e zgjuar që duhet bërë është thjesht të ndaloni për një sekondë dhe të rishqyrtoni se si do të ecni përpara dhe si do të punojmë së bashku,” tha ai.
Seven Bucks Productions, i themeluar nga Johnson dhe partneri i tij i biznesit, Dany Garcia, ka krijuar filmat më fitimprurës në vitet e fundit si: “Jumanji”, “Jungle Cruise” dhe “Hobbs and Shaw”.
Discussion about this post