Pas vendimit për vulën/ Gjekmarkaj: Tani ka vetëm një PD, të mos përjashtojmë njëri-tjetrin

Pas vendimit të Gjykatës së Apelit sot kemi vetëm një Parti Demokratike. Gjekmarkaj tha se tashmë duhet të gjejmë modusin që të mos përjashtojmë njëri-tjetrin, që të rritemi dhe të rrëzojmë Qeverinë e Edi Ramës.

“Konflikti politik brenda PD-së ka qenë aleati më i mirë i pushtetit, tashmë ky konflikt është shuar”, tha Gjekmarkaj.

Ai u shpreh se nuk ka përçarje në PD, pasi tashmë këto plagë janë mbyllur, duke bërë thirrje për bashkimin e të gjithë demokratëve, që nga ato të 1990 dhe të viteve të mëpasëm, pavarësisht qëndrimeve që kanë ndaj Sali Berishës.

Lidhur me deklaratat e Enkelejd Alibeajt, i cili njoftoi sot se nuk do të jetë pjesë e grupit parlamentar të PD-së, Gjekmarkaj tha se tashmë duhet të ndahet qëndrimi: ose do të jesh me Edi Ramën, ose do të jesh me opozitën.

“Çështja nuk është se cilin do kryetar Enkelejd Alibeaj, por kë zgjedhin demokratët”, tha Gjekmarkaj.