Pas vendosjes së reciprocitetit me targa nga ana e institucioneve të Kosovës, xhandarmëria serbe janë parë sot teksa vëzhgojnë situatën në Bërnjak,
Dy pjesëtarë të xhandarmerisë serbe shihen në foto teksa vëzhgojnë me dylbi nga territori i Serbisë.
Me marrëveshjen e Brukselit, në situatë të jashtëzakonshme, xhandarmëria serbe ka të drejtë të hyjë 1 kilometër e gjysmë në territorin e Kosovës, ashtu siç kanë të drejtë edhe institucionet tona të sigurisë të hyjnë në territorin e Serbisë.
Sakaq theksojmë se sot është dita e katër ku serbët kanë bllokuar rrugët dhe po protestojnë kundër vendimit për reciprocitetin e targave. Mediat vendase shkruajnë se rrugët kryesore në Jarinjë dhe Bërnjak janë ende të bllokuara, por nata ka kaluar pa incidente.
Serbët kanë qëndruar gjatë gjithë natës në të dy pikëkalimet kufitare në veri të Kosovës, pavarësisht shiut dhe temperaturave të ulëta. Kolona e mjeteve është e gjatë rreth 3 kilometra e gjysmë, ndërkohë që mësohet se gjatë natës së mbrëmshme është shtuar numri i kamionëve dhe mjeteve të tjera të rënda me të cilat është bllokuar rruga. Serbët gjithashtu për të bllokuar rrugën kanë vendosur inerte të shumta në rrugë.
