Pas videoskandalit, Safet Gjici mbyll llogarinë zyrtare në rrjetin social “Facebook”

Pas reagimit të tij për videon e seksit, në faqen e tij Facebook vërshuan komentet negative, dhe fillimisht Gjici mbylli komentet.

Nëse kërkohet në Facebook në emrin e tij, më saktësisht “Safet Gjici Faqja Zyrtare”, dalin vetëm artikuj dhe postime që lidhen me emrin e tij, por jo llogaria zyrtare e ish-kryebashkiakut socialist.

Mesditën e djeshme, 16 qershor 2023, u publikua një video-skandal ku shfaqej Safet Gjici duke kryer marrëdhënie seksuale në zyrë, në Bashkinë e Kukësit.

Përmes një shënimi në llogarinë në Facebook, ai njoftoi dorëheqjen dhe foli për kurth nga kundërshtarët.

Ai kërkoi falje për videon, dhe pranoi vërtetësinë duke u shprehur se ka rënë pre e një kurthi.