Ish-kryeministri Sali Berisha do të vijojë me turin e tij “Foltorja: Për një Parti Demokratike më të bashkuar, më të fortë, më të hapur” me demokratët në qytetin e Durrësit.
Berisha njofton në Facebook se takimi do të mbahet në orën 18:00 në sallën e Pallatit të Kulturës “Aleksander Moisiu” në qytetin bregdetar. Në takimet e tij të mëparshme, ish-kryeministri tha se e ka mbështetur Bashën në fillimet e tij, por nuk priste që ai të merrte të merrte peng sovranitetin e partisë.
“Foltorja” e Berishës vjen vendimit të kryedemokratit për përjashtimin e tij nga grupi parlamentar i PD, deri në momentin e mbylljes së gjyqit me sekretarin Amerikan të Shtetit, Antony Blinken.
Që nga ky moment, Berisha nuk i ka ndalur sulmet ndaj kreut të opozitës duke e akuzuar se po bashkëpunon me kryeministrin Rama dhe se ka shitur interesat e sovranitetin e partisë.
Përplasje në distancë ka pasur dhe në lidhjen me mbledhjen e Kuvendit Kombëtar që Berisha ka paralajmëruar për të shkarkuar Bashën nga posti i kreut të PD, ndërsa ky i fundit është shprehur i sigurt se nuk do të lejojë një kongres që shqyrton vendimet e SHBA në PD.
