Partia Demokratike shpalli dje listën fituese të 300 anëtarëve të rinj të Këshillit Kombëtar. Jashtë organit të lartë të PD mbetën Arben Ristani, Edith Harxhi dhe Halim Kosova.
Abc news, shkruan se hapi i fundit është plotësimi i strukturave drejtuese. Këshilli Kombëtar është organi që përmes votës do të përcaktojë funksionarët e lartë të partisë dhe gjithashtu kryesinë.
Mesohet se, ku do të jetë një proces që do të mbyllet brenda muajit korrik. Në ditët e ardhshme do të ketë një mbledhje të Këshillit Kombëtar që do të votojë edhe sekretarët e rinj.
Më pas analiza e humbjes do të shtrihet në degët lokale të partisë, ku pritet që edhe në këto degë do të ketë ristrukturime. Kështu i vetmi zhvillim i rëndësishëm në selinë blu është mbyllja e procesit të zgjedhjes së organeve vendimarrëse. Më pas, në muajin shtator do të nisë edhe aksioni opozitar, ku pas dy vitesh PD do të rikthehet në institucione.
