Pas zjarrit në Rodos, flakët pushtojnë Korfuzin. Evakuohen 17 fshatra

Vazhdon emergjenca nga zjarret në Greqi. Një zjarr i madh ka rënë pasditen e së dielës në ishullin grek të Korfuzit. 

Autoritetet evakuuan 17 fshatra dhe roja bregdetare shpëtoi 59 persona që ndodheshin në plazhin e Nisaki. 

Zjarrfikësit punuan gjatë gjithë natës për të parandaluar që flakët të arrinin në shtëpi. Të hënën në mëngjes, zjarri në Rodos gjithashtu rifitoi fuqinë , veçanërisht pranë vendbanimit Asklipieio në drejtim të jugut:

“Shtëpitë po digjen – tha këshilltari i qytetit Dimitris Zannetoulis – ne do t’ua lëmë tokën e djegur fëmijëve tanë”.

Deri më tani, rreth 2500 njerëz janë evakuuar. Për arsye sigurie, banorët dhe turistët janë larguar nga zonat pranë frontit të zjarrit dhe janë transferuar në stadiumin “Agios Markos” dhe Teatrin Bashkiak të Korfuzit, raporton faqja e internetit “Kathimerini”.