Qeveria shqiptare ka marrë një tjetër paralajmërim nga Komisioni Evropian sa i përketë “pasaportave të arta”. KE ka kërkuar që qeveria mos të prezantojë skemën e saj të pasaportës së artë pasi bie ndesh me legjislacionin e BE dhe përbën rrezik për anëtarësimin e Shqipërisë. Pavarësisht paralajmërimeve të Komisionit të BE-së, autoritetet në Shqipëri prezantuan ndryshime të reja në ligjin për partneritetin publik-privat (PPP) duke përfshirë në ligj edhe skemën e Pasaportës së Artë, shkruan SchengenVisa.
Qeveria shqiptare, në një vendim të marrë më 29 korrik, i dha jetë një projekti për t’i dhënë shtetësi shqiptare për shtetas të huaj dhe të pasur që duan të investojnë në Shqipëri. Këshilli i Ministrave i hapi rrugën punësimit të një kompanie ndërkombëtare për promovimin e pasaportës shqiptare në botë, një kontraktim në formën e koncesionit.
Në artikullin e publikuar thuhet se disa nga zyrtarët e qeverisë shqiptare kanë hedhur poshtë kritikat e autoriteteve të BE-së duke thënë se synimi i vetëm është që të tërheqin investitorë të huaj dhe të pasur. Por Brukseli ka një mendim tjetër. Sipas raportit të fundit të progresit të Shqipërisë, të prezantuar vitin e kaluar, thuhet se vendosja e një skeme të tillë përbën rrezik edhe për sigurinë e vendit.
Discussion about this post