Kryeministri Edi Rama duket se po tenton të largojë socialistët e vjetër nga partia, për t’i zëvendësuar me “ushtarë” të bindur që e adhurojnë dhe e shohin si një idhull.
Prurjet e reja në PS-së, kryesocialistit Edi Rama po i dalin të gjitha si Bora Muzhaqi, teksa duan që të ecin në hapat e ish-ministrive Edona Bilali, e cila e sheh shefin e saj si një “Zeus”, apo të Elisa Spiropalit që e sheh si “Skënderbe”.
Një nga prurjet e reja të Ramës është Ilva Gjuzi, të cilën e vendosi nënkryetare të Asamblesë Socialiste. Kjo e fundit në daljet e saj për mediat lëvdohet se ka lënë Londrën ku është diplomuar për arkitekturë, për t’iu bashkuar partisë së Ramës.
E ftuar mbrëmjen e djeshme në Euroneës Albania, Ilva Gjuzi deklaroi se shefi i saj, Edi Rama ka një të metë të madhe, pasi është 10 hapa para të tjerëve.
“Edi Rama ka shumë të meta. Edi Rama është 10 hapa ne të tjerëve. Është më përpara se ç’duhet. Po pra kjo është e një e metë e madhe se të jesh shujmë përpara është e metë.” – tha Gjuzi.
Ndërkohë, një prurje tjetër kryeministrit në PS është edhe Helena Kaçe, vajza e cila u prezantua në kongresin e Partisë Socialiste nga kryeministri Edi Rama si fytyra “që mund të drejtojë partinë” në të ardhmen.
Edhe kjo e fundit e ftuar në të njëjtin emision deklaroi se e meta e Edi Ramës është se bën më shumë për Shqipërinë se sa për veten e vet.
“Unë do të thosha që e meta e vetme që mund të ketë zoti Edi Rama, kryeministri i Shqipërisë, është që bën aq shumë për vendin sa nuk bën aq për veten.” – deklaroi Helena Kaçe.
Deklaratat e dy socialisteve të reja shkaktuan të qeshura në studio, terksa sigurisht që ato nuk përfaqësojnë aspak rininë shqiptare, e cila i kryen studimet mes vështirësive dhe më pas e ka të vështirë për të gjetur një punë, por vetëm servilizmin ndaj shefit dhe partisë.
Discussion about this post