Gjykata e posaçme ka pushuar padinë për shpifje të bërë nga Lulzim Basha ndaj kryebashkiakut të Tiranë Erion Veliaj.
Togat e zeza pushuan çështjen pasi nuk është paraqitur as Basha dhe as avokatët e tij. Padia ka qenë për deklaratat që Veliaj ka bërë gjatë fushatës së kaluar në drejtim të Bashës, në lidhje me pasurinë e tij si dhe prona dhe apartamente.
Sipas padisë, Veliaj “të gjitha këto deklarime shpifëse i përdor për të përfituar kredo politike përballë qytetarëve për të përfituar personalisht dhe për Partinë Socialiste”.
“Qëllimi i shpifjeve është që të barazojë në perceptimin e publikut, viktimën akuzuese si kryetar i Partisë Demokratike, me të inkriminuar për gjobëvënie apo me aferat korruptive të denoncuara gjerësisht në media të qeverisë që drejtohet nga Partia Socialiste”, thuhej më tej në padinë e Bashës që është rrëzuar nga GJKKO.
Padia konsideronte si 3 shpifje të Erion Veliajt akuzat se:
- Kryetari i PD u bë me 4 shtëpi gjatë tërmetit dhe pandemisë.
- Kryetari i PD ka përfituar gjatë periudhës së fatkeqësisë.
- Kryetari i PD ka ndërtuar kate pa leje.
Discussion about this post