Kryedemokrati Lulzim Basha ka reaguar pas vendimit të Gjykatës Kushtetuese që bllokon ndërtimin e Teatrit të Ri Kombëtar dhe kalimin e tij në pronësi të Bashkisë së Tiranës.
Teksa ka ndarë në rrjetet sociale, foto të Teatrit që u shemb 17 Majin e kaluar, Basha shprehet se Gjykata Kushtetuese e ka thënë fjalën e saj dhe tashmë e ka radhën SPAK.
“Gjykata Kushtetuese foli, radhën e ka SPAK! Aty ku ishte, ashtu siç ishte”, shkruan Basha.
Ndërkohë Partia Demokratike ka njoftuar një konferencë të jashtëzakonshme për shtyp.
