Nisur nga situatat e ndodhura prej kohësh që vijojnë të jenë të “zjarrta” dhe tani, ku është përfshirë moderatorja Bora Zemani, këngëtarja Beatrix Ramosaj dhe aktori i humorit, Donald Veshaj, kanë reaguar personazhe të ndryshme të estradës shqiptare.
Ajo që ka bërë habi të fansat ka qenë mbështetja që partnerja e Romeo Veshajt, Aleksia Peleshi, i ka dhënë këngëtares, gjë që i ka bërë ndjekësit të mendojnë se ajo është kundër Borës.
“Pse për Borën nuk thua gjë? Çfarë të keqe të bëri ajo që iu ke hedhur kundër?”, e ka pyetur një prej tyre.
Aleksia nuk ka hezituar të përgjigjet duke treguar se gëzon shumë respekt për moderatoren dhe kur janë takuar ia kanë kaluar shumë mirë bashkë.
“Në cilin moment iu hodha kundër? Fakti që mbështes Trixën në vendimin për të mos i sakrifikuar ndjenjat e saj, nuk do të thotë që kam diçka kundër Borës, përkundrazi. Unë kam shumë respekt për atë vajzë, sa herë kam qenë me të ia kam kaluar shumë mirë, por ajo ka vazhduar jetën e saj me dinjitet dhe të njëjtën gjë duhet të bëni dhe ju”, ka thënë Peleshi.
Discussion about this post