UEFA dhe FIFA ishin me dorë të hekurt ndaj Rusisë, ku përjashtuan kombëtaren dhe klubet e këtij vendi nga çdo lloj kompeticioni. Shkak u bë lufta që rusët nisën ndaj Ukrainës, ku dëmet kanë qenë të shumta deri më tani. Por UEFA nuk ka ndenjur duarkryq dhe ka dhënë një shumë të majme për Ukrainën.
Në faqen zyrtare të saj, UEFA bën me dije se ka dhuruar 1 milion euro për të ndihmuar fëmijët në Ukrainë, por dhe refugjatët në shtetet fqinjë. Gjithashtu është akorduar një fond prej 100 mijë eurosh për fëmijët në Moldavi.
“Fëmijët janë të pambrojtur në këto kohë luftërash dhe është detyra jonë që t’i ndihmojmë. Falë suportit të partnerëve tanë, ne do të bëjmë të mundur që të ndihmojmë sadopak fëmijët në Ukrainë dhe në vendet fqinje” – u shpreh presidenti i UEFA-s, Aleksandër Ceferin.
Discussion about this post