Zëvendës kryeministrja dhe njëkohësisht ministrja e Infrastrukturës dhe Energjisë, Belinda Balluku ka mbajtur fjalën e saj në kuvend ku ka folur lidhur me masat e marra për krizën energjetike.
Ndryshe nga retorika e saj disa ditë më parë për kursimin e energjisë elektrike duke përhapur panik se do të mbesim pa drita, Ballaku tha se qytetarët nuk janë detyruar të kursejnë, por vetëm janë sensibilizuar.
“Kemi parë opozitën duke u marrë me çdo detaj për të krijuar një mjegull ndërkohë që ne bëjmë fushatë sensibilizuese. Çelësi i suksesit për të dalë nga kjo krizë është kursimi ndërsa ju vazhdoni të talleni. Ju jeni investuar të gjithë për të ndaluar këtë proces ndaj të cilit, qytetarët kanë reaguar shumë mirë sepse deri më tani, kemi 5% konsum më pak krahasuar me një vit më parë. Kjo vjen nga sjellja e qytetarëve të cilët ju i nxitni që të mos marrin parasysh masat e kursimit. Ne e kemi nisur kursimin nga vetja jonë dhe qytetarët nuk i kemi detyruar, thjesht i kemi sensibilizuar. Krahasuar me tetorin e vitit të kaluar kemi konsumuar këtë vit 5% më pak dhe kjo është diçka për t’u përshëndetur. Duke parë kushtet e motit që përmirësuan nivelin e Fierzës, qeveria shqiptare mori vendimin që mos ta aplikonim këtë fashë prej 800kë as për muajin tetor, prandaj i dërguam ERE-s kërkesën që kjo të pezullohet. Ju i kërkoni sqarime drejtuesit të ERE-s duke i thënë se kishte bërë gabim”, u shpreh Balluku.
Discussion about this post