Pasi kreu i PD Sali Berisha dhe kryetari i Partisë së Lirisë Ilir Meta reaguan fuqishëm për mbytjen e një gruaje në një lumë në Skrapar, ka reaguar policia. Ata thanë se gruaja u mbyt, sepse në lumë nuk ka urë dhe tjetër version na jep policia.
Sipas bluve, gruaja rreth 55 vjeçe është vetëmbytur. Për policinë, 55-vjeçarja është vetëmbytur nga depresioni.
Njoftimi i policisë:
Skrapar
Më datë 21.01.2023, në fshatin Gjerbës, Skrapar, në ujërat e lumit në fshatin Rehovë, Skrapar, dyshohet se është vetëmbytur në ujë, shtetasja Sh.Ll., 55 vjeçe, banuese në fshatin Rehovë, Skrapar.
Trupi i pajetë i 55-vjeçares është nxjerrë nga uji, dhe nga këqyrja paraprake e trupit të viktimës, nuk janë konstatuar shenja dhune.
Për shtetasen Sh.Ll., më datë 21.01.2023, ka njoftuar bashkëshorti i saj se është larguar nga banesa. Nga deklarimet e familjarëve shtetasja Sh.Ll., prej disa kohësh kishte shfaqur shenja depresioni, dhe në vazhdimësi ishte shprehur se do të mbytej në lumë.
Grupi hetimor po punon për sqarimin e plotë të rrethanave të ngjarjes.
Materialet i kaluan Prokurorisë pranë Gjykatës së Shkallës së Parë Berat, për veprime të mëtejshme.
Discussion about this post