Vali Corleone i njohur ndryshe edhe si Princi, u arrestua për dhunë në familje, pasi rrahu prindërit, lajm ky i konfirmuar nga zëdhënësi i policisë për rajonin e Gjilanit, Ismet Hashani.
Vali akuzohet se ka dhunuar pa mëshirë nënën dhe babin e tij në shtëpinë e tyre në Kosovë. Ndërkohë, pas këtij rasti, Gjykata ka vendosur të dërgojë Corleonen në një muaj paraburgim në psikiatri.
Disa kohë më parë ai përzuri prindërit nga shtëpia për shkak të gjendjes së tij jo të mirë mendore e më pas prindërit e shtruan në spital psikiatrik. Vali Corleone është një ndër personazhet më të njohur të showbiz-it. Edhe pse nuk ka asnjë lidhje me artin, ai u bë i famshëm disa vite më parë për shkak të jetës luksoze dhe marrëdhënies me persona të ekranit.
Discussion about this post