“Big Brother Vip”, i cili realizohet për herë të parë në Shqipëri me personazhe Vip, por një format tashmë i njohur dhe i dashur për shqiptarët, me sa duket ka menduar të provokojë dhe intrigojë jo pak me përzgjedhjet e bëra.
Stafi organizues, krahas kriterit “Vip”, pra, i njohur për publikun në një fushë të caktuar, është kujdesur që personazhet të jenë në përgjithësi single, që do të thotë beqarë, të sapondarë, të divorcuar etj.
Tani, hamendësohet se një ndër konkurrentet që mund të bëhet pjesë e këtij emisioni është edhe Semi Jaupaj.
Kujtojmë se Semi, ka qenë e lidhur me këngëtarin, Bojken Lako. Marrëdhënia e tyre së bashku nisi në vitin 2011. I pyetur nga moderatorët, Bojken ka zbuluar se me Semin do të bënin një dasmë, por që me siguri do të ishte e çuditshme dhe ndryshe nga ceremonitë e tjera. Por dasma e çuditshme nuk ndodhi, por ndodhi ajo që nuk pritej, çifti i rokerve, me 17 vite diferencë moshe, u nda, por me sa duket në mirëkuptim të plotë.
Me shumë gjasa, në këtë program mund të dëgjojmë me gojën e tyre edhe histori dashurish e zhgënjimesh, të cilat nuk janë bërë publike më parë.
