Kryebashkiaku i Tiranës Erin Veliaj është kujtuar t’u bëjë thirrje qytetarëve që të bëjnë kujdes, vetëm pasi qyteti është përmbytur nga reshjet e shiut dhe rrugët janë bërë të pakalueshme.
Ndërsa, kudo paralajmërimi për kujdes bëhet përpara se të krijohet kjo situatë, kryebashkiaku ynë kujtohet pasi kalimtarët dhe mjetet gjenden përpara një fakti të kryer. Bllokim trafiku në Tiranë dhe prindër të cilët mbajnë ne krahë femijët e tyre për të kaluar ‘lumenjtë’ e shumtë të krijuar në çdo rrugë.
Përmes një postimi në rrjete sociale, kryebashkiaku Veliaj kërkon bashkëpunimin e qytetarëve që të evitojnë lëvizjet e panevojshme dhe të bashkëpunojnë me punonjësit e emergjencave. “KUJDES të shtuar sot me valën e re të rrebeshit! Të gjitha skuadrat janë në terren dhe po bëjnë maksimumin për përballimin e situatës!
Si herën e fundit, do evitojmë lëvizjet e panevojshme dhe do bashkëpunojmë me punonjësit e emergjencave! Kujdes të moshuarit e fëmijët dhe telefononi 112 për çdo rast kritik! Forca”, shkruan Veliaj.
Discussion about this post