Hetimet për aksidentin tragjik që i mori jetën reperit të njohur grek Mad Clip, vazhdojnë ndërsa së fundmi në makinën viktimës është gjetur kryqi dhe telefoni i tij celular, sipas ekspertit të caktuar nga familja.
“Sot, për herë të parë u bë autopsia dhe kontrolli teknik i makinës së reperit. Gjëja e parë që dua të them është se kryqi dhe telefoni celular u gjetën në kabinën në rrënojat e pjesëve të hekurit dhe plastikës”, deklaroi eksperti.
Zoti Madias, eksperti i njohur, do të vazhdojë kontrollin e plotë të makinës në përpjekje për të zbuluar se çfarë ndodhi natën fatale që këngëtari i famshëm humbi kontrollin e automjetit të tij. Hetimet deri më tani nuk kanë treguar për përplasje me një automjet tjetër, ndërsa është vërtetuar se Mad Clip udhëtonte disa kilometra më shumë se kufiri i përcaktuar në atë rrugë. Eksperti nuk e ka përfunduar ende hetimin e tij për atë që ndodhi saktësisht natën fatale.
“Unë nuk e di se si humbi makina e tij. Ne nuk e dimë se si ndodhi. Nipi im ishte një shofer i jashtëzakonshëm. Shofer i rrallë. Ai mori pjesë në garat në Qipro. Makina e tij nuk mund të rrëzohej. Nuk kishte ujë në rrugë. Këto janë përralla. Nuk ishte i çmendur që të frenonte papritur pa bërë asgjë. Pjetri ishte i dashur në të gjithë botën. Kjo u pa në funeralin e tij sepse ishte një fëmijë që, kudo që ishte, dha gjithçka. Ai nuk ishte egoist. Ai ishte ambicioz. Njerëzit që erdhën në funeralin e donin atë. Dua të them këtë, falënderoj nga zemra të gjithë ata që e mbështetën me pasion dhe e donin. Zoti I dhëntë paqe!”, kishte deklaruar gjyshi i reperit disa ditë më parë .
Familja ende presin rezultatet e nekropsisë dhe ekzaminimet toksikologjike nga ekzaminuesja mjekësore znj. Spiliopoulou nga Universiteti i Athinës.
