Përfaqësuesi i Shoqatës së Ndërtuesve, Luigj Aleksi u pyet sot në konferencën e mediave për çmimin e lartë të apartamenteve në Tiranë. Ai deklaroi se ky fenomen vjen për shkak të taksave të paligjshme të cilat bien në kundërshtim me direktivat europiane. Aleksi shtoi ndër të tjera se dy prej këtyre taksave ishin dërguar dhe në Gjykatën Kushtetuese.
“Në këto masa është edhe masa e dherave që shtë e jashtëligshme edhe me direktivat europiane. Po ashtu taksa e strehimit social. Të gjitha këto rrisin me 40% ato që ndërtuesi ua jep si taksë. Sigurisht që mund të ketë dhe njerëz që mund ta mbajnë shumë lart stekën.
Matematikisht iu them se çmimet do bien si efekt i reduktimit të sistemit të taksave. Beteja ka kohë që ka filluar, 2 prej këtyre taksave i kemi dërguar në Gjykatën Kushtetuese dhe një është në proces trajtimi juridikisht.
Po mundohemi të rikapim trendin për t’i vënë në linjë sepse ju e dini se për disa kohë ka munguar edhe gjykata Kushtetuese”, u shpreh Aleksi.
Discussion about this post