Një grup trafikantësh droge u shkatërrua gjatë një operacioni nga policia italiane. Në mesin e të arrestuarve ishte dhe një 35-vjeçar shqiptar i cili i kishte shpëtuar më herët një atentati në zonën e Parmës.
Në atentatin e dështuar të datës së 3 maj në qendër të Salsomaggiore, në drejtim të tij u qëllua 6 herë nga një person i paidentifikuar. Autori kishte zbritur nga një makinë dhe e ka qëlluar shqiptarin në sy të dhjetëra personave, ndërsa sipas mediave italiane, nga 6 plumba që mori në trup shqiptari, disa i kishte marrë në kyçet e këmbëve.
Policia nisi menjëherë nga puna për kapjen e autorit, i cili ishte personazh i njohur në zonë, megjthatë emri i tij dhe as i shënjestrës nuk u bënë më dije. Autoritetet italiane prangosën shqiptarin dhe 7 persona të tjerë. Gjatë operacionit si aset u sekuestruan dhe 400 mijë euro, para kesh.
Discussion about this post