Juri Ymeraj, i shpallur në kërkim ndërkombëtar, është arrestuar të enjten në Itali nga Interpoli i Romës.
Ymeraj është shpallur në kërkim, pasi ai është dënuar në mungese.
Ndaj tij, më 11 nëntor të vitit 2022, Gjykata e Posaçme Kunder Korrupsionit dhe Krimit te Organizuar, ka caktuar masën e sigurisë “Arrest me burg”, per vepren penale të: “Pastrim te produkteve te vepres penale”.
Ymeraj ishte pjesë e skemës mashtruese me fatura fiktive në inceneratorin e Fierit, ku dyshohet per pastrim parash. Ai akuzohet për vepren penale ” Pastrim i produkteve te vepres penale apo i veprimtarise kriminale ” te kryer ne bashkepunim, parashikuar nga neni 287. Juri Ymeraj, eshte administrator i kompanise, J.P.Y.
Sipas SPAK, i kërkuari tjetër për këtë aferë, Klodian Zoto, në cilësinë e aksionerit tek shoqëria ‘Integrated Technology Waste Treatment Fier’ sh.p.k, si dhe të pandehurit Arenc Myrtezani dhe Loran Dusha, në cilësinë e administratorit të shoqërisë ‘Integrated Technology Waste Treatment Fier’ sh.p.k., kanë përdorur një skemë fiktive të kryerjes së pagesave, për të mbuluar dhe për të fshehur natyrën e vërtetë të origjinës së paligjshme të shumave monetare, natyrën e vërtetë të transferimit dhe të zhvendosjes së tyre, të cilat në të vërtetë përbëjnë ‘përftim të parregullt’, si rrjedhim edhe produkt të veprës penale të korrupsionit.
Këto pagesa të përfitimit të parregullt janë bërë nga shoqëria koncesionare ‘Integrated Technology Waste Treatment Fier’ sh.p.k, nëpërmjet transaksioneve fiktive në drejtim të shoqërive ‘Pivot 04’ sh.p.k, me administrator shtetasin Arbër Denizi, ‘Sili’ sh.p.k, me administrator shtetasin Silvestër Driza, ‘J.P.Y’sh.p.k, me administrator shtetasin Juri Ymeraj.
Discussion about this post