Pastron apartamentin e saj të bombarduar, ukrainasja këndon himnin kombëtar dhe qan (Video)

Një grua në Kiev këndon himnin kombëtar të Ukrainës nga apartamenti i saj i bombarduar, teksa pastron copat e mbetura të xhamit.

Pamjet ku ajo shihet edhe duke qarë publikohen në kohën kur Ukraina gjendet në ditën e pestë nga agresioni rus, ditë për të cilën presidenti Vlodymyr Zelensky bëri me dije se, do të jetë “një periudhë vendimtare” për vendin e tij.

Pas kërcënimeve disamujore se do të fillojë pushtimin e Ukrainës, presidenti rus Vladimir Putin ditën e enjte urdhëroi operacionet ushtarake në këtë shtet evropian.

Disa ditë më parë, Putin nënshkroi dekretin ku njeh shtete dy rajonet separatiste, ndërsa disa orë pas këtij veprimi që u dënua ashpër nga Perëndimi, u dha urdhri edhe për operacionet ushtarake në Ukrainë.

Nga ana tjetër, autoritetet e sigurisë në Ukrainë kanë bërë thirrje për mobilizim.

Deri më tani dhjetëra civilë kanë humbur jetën, kurse autoritetet ukrainase kanë njoftuar se edhe trupat ruse kanë pësuar humbje të mëdha si në njerëz ashtu dhe në makineri.

Që nga dita e parë e agresionit rus në Ukrainë ka pasur zhvillime të shumta.

A woman in Kiev sings Ukraine's national anthem from her bombed apartment as she cleans the leftover shards of glass pic.twitter.com/LyadNg0nyy

— TRT World (@trtworld) February 28, 2022