Francesco Totti dhe Ilary Blasi janë ndarë prej një viti dhe duket se mes tyre nuk do të ketë paqe. Ish-futbollisti dhe modelja e prezantuesja i janë drejtuar gjykatës për të ndarë pasurinë e tyre dhe një peshë të rëndësishme duket se do të ketë fakti se kush ka tradhtuar i pari në çift.
Totti ka pranuar historinë me Noemin para se të ndahej publikisht me Ilaryn, por insiston se ka nisur lidhjen me të vetëm pasi kishe mësuar se ishte gruaja e tij ajo që e kishte tradhtuar.
Prezantuesja ka kërkuar nëpërmjet avokatëve të saj nga gjykata që të hedhë poshtë të gjitha pretendimet e ish-kapitenit, duke insistuar se ndarja pas 17 vitesh martesë erdhi pikërisht nga lidhja e tij me Noemin.
Por nga ana tjetër, Totti po bën gati kundërpërgjigjen, pasi ka një listë me ata që cilësohen si flirte të Ilary Blasit para se ai të njihej me Noemin.
Një prej provave është edhe mesazhi që Totti thotë se i ka lexuar në celular asokohe bashkëshortes së tij dhe të cilën ai e ka vlerësuar publikisht si “provën” që Ilary e tradhtonte.
Mendohet se ai mesazh ishe i trajnerit të saj personal, Cristiano Iovino, ndërsa raportohet edhe për një mik të motrës së Ilaryt që gjithashtu kishte një histori me të.
Të dy këto persona, ashtu si edhe Noemi, mund të paraqiten në gjyq për të dëshmuar dhe për të vërtetuar se kush ishe i pari që tradhtoi dhe çoi në ndarjen e çiftit.
Discussion about this post