Kriza me energjinë është një krizë korrupsioni, kjo për shkak të abuzimeve me tenderë miliona euro të cilat bëhen nga OSSHE. Sekretari i Grupit Parlamentar, të Partisë Demokratike, Arbi Agalliu ka reaguar në lidhje me krizën duke ngritur një sërë akuzash ndaj OSSHE-së, për tenderët e saj miliona euro. Sipas Agalliut, e gjithë kriza e ka themelin në abuzimet dhe vjedhjet që bëhen pikërisht në këtë sektor. Madje, tashmë aty janë të punësuar dhe të gjithë patronazhistët, që paguhen nga taksat e shqiptarëve. Ndër të tjera ka pasur dhe një koment për vendimin e qeverisë, e cila ka vendosur se nuk do të rritet çmimi i energjisë për bizneset e vogla dhe konsumatorin, por ka lënë enigmë fatin e bizneseve të mëdha. Sipas Agalliut, kjo mënyrë e zgjedhur nga qeveria tregon se sërish barra do të bjerë në xhepat e qytetarëve shqiptarë. Kriza e cila ka kapur vendin, nuk vjen nga rritja e çmimeve në tregun ndërkombëtar, por vjen pikërisht nga abuzimet dhe korrupsioni i qeverisë.
