Kryeministri Edi Rama ka folur për patronazhistët në periudhën e zgjedhjeve. Sipas kreut të qeverisë, ai databazë që u bë publik ishte i manipuluar, pasi në listën që ka Partia Socialiste nuk ka karta identiteti.
Rama tha se në lidhje me këtë çështje është bërë edhe një hetim i thelluar nga Komisioneri i Mbrojtjes së të Dhënave dhe ka rezultuar se nuk janë marrë të dhënat e qytetarëve.
“Nuk kemi përdorur databazë me të dhëna sensitive. Nuk ka lidhje e-albania fare. Është e krijuar prej shumë vitesh dhe pasurohet vit pas viti sepse ndërrojnë banorët dhe lëvizin. Në media dhe debatin publik është folur për një databazë që nuk është databaza jonë, por është fakt i njohur që regjistri i gjendjes civile ka qenë në internet i aksesueshëm deri në momentet kur u hap ky muhabet. Për më tepër karta jonë e ID nuk është me të dhëna sensitive, siç janë në vende të tjera.
Ajo është databazë e manipuluar, sepse PS nuk ka pasur kurrë karta ID. Hipoteza që janë marrë nga AKSHI nuk bazohet në fakt. Ajo që ka dalë nuk është databazë e PS. Është bërë një hetim i thellë nga Komisionari i Mbrojtjes së të Dhënave dhe kanë bërë punën e tyre për të garantuar mbrojtjen e të dhënave. Databaze që ka dalë është e manipuluar me qëllim që të krijojë këtë konfuzion. PS nuk ka në databazen e vet karta ID, sepse nuk na duhen” – tha Rama.
Discussion about this post