Benjamin Pavard ka pasur një nisje ëndrrash me fanellën e Olympique Marseille. Në debutimin e tij me klubin francez, mbrojtësi 29-vjeçar gjeti menjëherë rrugën e rrjetës, duke shënuar në minutën e 20-të përballë Lorientit dhe duke dyfishuar avantazhin e vendasve.
Ajo që tërhoqi më shumë vëmendjen nuk ishte vetëm goli, por mënyra se si kampioni i botës zgjodhi të festonte. Pavard ngriti duart në formën e shqiponjës, një gjest që lidhet drejtpërdrejt me partneren e tij shqiptare, Kleofina Pnishi. Ky moment u bë viral në rrjetet sociale, teksa tifozët shqiptarë e përshëndetën mbrojtësin për dedikimin e veçantë.
Aktualisht, francezi është pjesë e Marsejës me formulën e huazimit nga Interi, që vazhdon të mbajë kartonin e tij. Në fund të sezonit, klubi francez ka të drejtën për ta blerë përfundimisht, dhe performanca e tij e parë ka ngritur menjëherë pritshmëritë se Pavard mund të bëhet një element kyç në mbrojtjen e skuadrës.
Discussion about this post