Qeveria ka miratuar hartën e re gjyqësore, në një kohë kur avokatët janë në protestë dhe kanë bojkotuar seancat gjyqësore. Ministri i Drejtësisë, Ulsi Manja tha se harta është bashkëpropozim me KLGJ-në duke faktuar kështu hartën e re e cila pritet të sjellë kolaps në sistemin gjyqësor.
“Është miratuar harta e re gjyqësorë, 13 gjykata të shkallës së parë, 1 të apelit dhe 2 administrative. E rëndësishme për zbatimin e reformës në drejtësi. Është produkt i një grupi ekspertët vendas e ndërkombëtarë. Implementimi i hartës me faza. Harta e re gjyqësore ka disa risi, do bëjë shpërndarje të drejtë të çështjeve tek gjyqtarëve, do ulë kostot, ajo që kemi sfidë është që këtë fazë tranzitore, do e shfrytëzojmë si periudhë edukimi të qytetarëve për gjykatat e reja”, tha Manja.
Shqipëria ka 6 apele në të gjithë vendin dhe sipas hartës së re do të reduktohet në një Apel kombëtar ndërsa 13 do të jetë numri i gjykatave të shkallës së parë nga 22 që është aktualisht. Me vendimin e ri shkrihen gjykatat në Tropojë, Krujë, Lushnje, Pogradec, Mat, Përmet, Kurbin, Kavajë, Pukë.
Discussion about this post