Ngjarja e ndodhur në ndeshjen e mbrëmjes të së dielës mes Lyonit dhe Marseille në Ligue 1, ishte një nga më të rëndat e dhunës në futbollin francez.
Në mbledhjen e sotme, komisioni disiplinor i LFP-së ka dhënë dënimin e parë ndaj Olimpik Lion pas sulmit që i është bërë yllit të Marseilles, Dmitri Payet.
Dënimi i parë është që stadiumi i Lionit të jetë me dyer të mbyllura për një kohë të pacaktuar, ndërsa për sa i përket fatit të ndeshjes me Marseilles, vendimi përfundimtar do të merret më 8 dhjetor. Megjithatë mundësitë janë të shumta që Lyon ta humbasë në tavolinë me rezultatin 3-0.
Kujtojmë që takimi i radhës në shtëpi për Lyonin është kundër Stade de Reims, që pritet të luhet të mërkurën e 1 dhjetorit në orën 21:00. Ndërsa deri më tani nga policia franceze janë arrestuar katër persona për këtë ngjarje./K.T/Gijotina.com
Discussion about this post