Në kulmin e debateve politike, ku Grupi Parlamentar i PD-së, kryesuar nga Gazment Bardhi, kërkon vendin që takon në Komisionin e Posaçëm të Reformën Zgjedhore, mazhoranca e drejtuar nga Edi Rama, vijon lojën me grupimin e Lulzim Bashës.
Grupi Parlamentar i PD-së, përmes një shkrese që mban firmën e Gamzent Bardhit, i ka kërkuar Kuvendit që të zëvendësojë anëtarët e opozitës në Komisionin për Reformën Zgjedhore. Shkresa e Bardhit është hedhur në kosh nga mazhoranca e Edi Ramës, i cili po përdor në lojën e tij Lulzim Bashën.
Ky i fundit përfaqësohet në komisionin e posaçëm me Enkelejd Alibeajn, deputetin që e emëroi si kryetar të përkohshëm të PD-së, deri në momentin që vendosi të rikthehej sërisht vetë si kryetar të asaj që njihet si PD e vulës.
Dhe Alibeaj duket se ka pranuar të çojë deri në fund lojën e nisur nga Edi Rama, duke u hequr si bashkëkryetar i Komisionit, edhe pse i gjithë grupimi që mbështet Lulzim Bashën, nuk kalon më shumë se 9 deputetë.
Ndoshta kaq vota janë të mjaftueshme për Edi Ramën për të miratuar një Kod të ri Zgjedhor, ndoshta edhe disa ndryshime Kushtetuese apo ligje të veçanta, që hera herës artikulohen nga Lulzim Basha, si reforma që presin shqiptarët.
Dhe në kuadrin e lojës apo pazarit, Damian Gjiknuri, bashkëkryetari socialist, dhe Enkelejd Alibeaj, bashkëkryetari i PD-së së vulës, i janë drejtuar me një letër OSBE-së, pikërisht për Reformën Zgjedhore.
Në letrën e përbashkët, Alibeaj dhe Gjiknuri kërkojnë që ODIHR të vendosë në dispozicionë ekspertë të fushës, të cilët do të mund t’ asistojnë komisionit në gjatë punës për reformën zgjedhore.
Discussion about this post