Kandidati i opozitës për kryetar bashkie në Kamëz, Arjan Hoxha, deklaroi se komisioneri për mbikëqyrjen e shërbimit civil konfirmoi akuzat e PD për 65 punësime të paligjshme në bashkinë e Kamzës nga kryebashkiaku Rakip Suli.
“Ajo që PD ka përsëritur, politizimin dhe paligjshmërinë që ka uzurpouar bashkinë e Kamzës lidhur me punësimin në administratë, është konfirmuar nga komisioneri për mbikëqyrjen e shërbimit civil. Janë punësuar në shërbimin civil në kundërshtim me ligjin të paktën 65 nëpunës”, tha Arjan Hoxha në një deklaratë nga selia blu këtë të Martë.
“Komisioneri ka kërkuar konstatimin e pavlefshmërisë absolute pasi 59 nëpunës janë emëruar në kundërshtim flagrant me ligjin, ndërsa 6 punonjës të tjerë janë promovuar në pozicione të larta po në kundërshtim me ligjin”, shtoi ai.
Discussion about this post