PD: 8 Marsi, ditë feste dhe proteste për gratë e vrara dhe nënat…

Partia Demokratike ka përcjellë sot një mesazh, drejtuar grave dhe vajzave shqiptare brenda dhe jashtë vendit, ku thekson se dita e sotme është sa festë, aq edhe protestë.

Në video-mesazhin e publikuar në rrjetet sociale, PD shprehet:

“8 Marsi është Dita Ndërkombëtare e gruas!

Një ditë feste por dhe proteste. Partia Demokratike është sot në krah të grave dhe vajzave, në çdo cep të Shqipërisë dhe në Diasporë, ku i ka detyruar qeverisja e Edi Ramës.

Sot është ditë feste dhe gëzuar!

Por është edhe ditë proteste, për 19 gratë e vrara gjatë harkut kohor të një viti. Është ditë proteste, për nënat të cilave ua ka marrë emigrimi fëmijët, për vajzat që e kanë të pamundur arsimin cilësor. Për gjyshet me pensione të paindeksuara dhe barnat me çmime të papërballueshme. Për studentet që diplomohen dhe duhet ta dorëzojnë fatin e punësimit të tyre në duar patronazhistesh.”