PD akimoi rezultatin e zgjedhjeve në qarkun e Kukësit, Dibrës dhe Korçës, KAS mban nesër seancën për shqyrtimin e kërkesave

Komisioni i Ankimeve dhe Sanskioneve do të mbajë ditën e nesërme seancën për shqyrtimin e kërkesave ankimore të PD për rezultatin e zgjedhjeve në qarkun e Kukësit, Dibrës dhe Korçës.

Në orën 10:00 do të shqyrtohet ankimimi për qarkun e Kukësit, në orën 13:00 për qarkun e Dibrës dhe në orën 15:00 për qarkun e Korçës.

PD ka kërkuar kundërshtimin e tabelës përmbledhëse të rezultateve të votimit në këto qarqe dhe anulimin e zgjedhjeve, me kërkesën për përsëritjen e tyre.

NJOFTIMI I PLOTË: 

Komisioni i Ankimimeve dhe Sanksioneve zhvillon seancë publike ditën e Premte, datë 30.05.2025.
Rendi i ditës:

Ora 10:00

Vijimi i shqyrtimit të kërkesës ankimore nr. 37, datë 23.05.2025, depozituar nga Koalicioni Partia Demokratike – Aleanca për Shqipërinë Madhështore, me objekt: “Kundërshtimi i Vendimit Nr. 1309, datë 19.05.2025 – të KSHZ – “Për miratimin e Tabelës Përmbledhëse të Rezultatit të votimit në zonën zgjedhore Qarku Kukës, për subjektet zgjedhore dhe kandidatët për deputetë në zgjedhjet për Kuvendin të datës 11 maj 2025”. “Pavlefshmëria e zgjedhjeve të zhvilluara në datën 11 maj 2025 në zonën zgjedhore Qarku – Kukës”. “Zgjidhjen e pasojave duke urdhëruar përsëritjen e zgjedhjeve për Kuvendin e Shqipërisë në të gjithë zonën zgjedhore Qarku Kukës”.

Ora 13:00

Shqyrtimi i kërkesës ankimore nr. 41, datë 27.05.2025, depozituar nga Koalicioni Partia Demokratike – Aleanca për Shqipërinë Madhështore, me objekt: “1. Kundërshtimi i Vendimit Nr. 1314, datë 22.05.2025 – të KSHZ – “Për miratimin e Tabelës Përmbledhëse të Rezultatit të votimit në zonën zgjedhore Qarku Dibër, për subjektet zgjedhore dhe kandidatët për deputetë në zgjedhjet për Kuvendin të datës 11 maj 2025”.2. Pavlefshmëria e zgjedhjeve të zhvilluara në datën 11 maj 2025 në zonën zgjedhore Qarku – Dibër. 3. Zgjidhjen e pasojave duke urdhëruar përsëritjen e zgjedhjeve për Kuvendin e Shqipërisë në të gjithë zonën zgjedhore Qarku Dibër”.

Ora 15:00

Shqyrtimi i kërkesës ankimore nr. 42, datë 26.05.2025, depozituar nga Koalicioni Partia Demokratike – Aleanca për Shqipërinë Madhështore, me objekt: “1. Kundërshtimi i Vendimit Nr. 1315, datë 22.05.2025 – të KSHZ – “Për miratimin e Tabelës Përmbledhëse të Rezultatit të votimit në zonën zgjedhore Qarku Korçë, për subjektet zgjedhore dhe kandidatët për deputetë në zgjedhjet për Kuvendin të datës 11 maj 2025”. 2. Pavlefshmëria e zgjedhjeve të zhvilluara në datën 11 maj 2025 në zonën zgjedhore Qarku – Korçë. 3. Zgjidhjen e pasojave duke urdhëruar përsëritjen e zgjedhjeve për Kuvendin e Shqipërisë në të gjithë zonën zgjedhore Qarku Korçë”.